Hər il 31 May Ümumdünya Səhiyyə Təşkilatı öz tərəfdaşları ilə birlikdə tütün istifadəsinin insan sağlamlığına zərərləri və tütün istehlakını azaltmaq üçün effektiv siyasət həyata keçirilməsi təşəbbüsü ilə çıxış edir.
Tütün istifadəsi XX əsrdə 100 milyondan artıq insanın həyatına son qoyub. Tütün hər il 6 milyondan çox insanı tələf edir, 600 000 insan isə passiv siqaret istifadəçisidir. Ümumdünya Səhiyyə Təşkilatının məlumatına əsasən, lazımi tədbirlər görülməzsə, 2030-cu ilə qədər hər il 8 milyondan artıq insan bu epidemiyanın qurbanı olacaq.