Qırğızıstan prezidenti Almazbek Atambaev ölkənin şimalındakı Jety-Oguz bölgəsində fövqəladə vəziyyət elan edib. Bu rejim iyunun 10-nadək davam edəcək.
Cümə axşamı nümayişçilər elektrik stansiyasını tutub, Kumtor qızıl mə`dəninə işığı kəsdilər. Cümə günü isə polis onlarla nümayişçini tutub. Məlumatlara görə nümayişçilər yerli icra başçısını da girov götürmüşdü, ancaq sonra azad etdi. Kumtor qızıl mə`dəninə gedən yeganə yolu nümayişçilər kəsib. Nümayişçilər tələb edir ki, qızıl mə`dəninin operatoru olan Kanadanın Centerra şirkəti ekologiyaya ziyan vurmasın və yerli sakinlərə tibbi yardım göstərən məntəqələr qursun.