Türkiyə Daxili İşlər Nazirliyi (DİN) əhalini təmkinli olmağa çağırır. Bu barədə Türkiyənin "Anadolu" agentliyi məlumat verib.
Məlumata əsasən, Türkiyə DİN vətəndaşları bəzi radikal qrupların təxribatına uymamağa və daha təmkinli davranmağa dəvət edib.
Türkiyədə Taksim Gezi parkı ilə bağlı baş verən hadisələr zamanı təhlükəsizlik qüvvələrinin 115 əməkdaşı yaralanıb, xəsarət alan 58 vətəndaşa da xəstəxanalarda tibbi yardım göstərilir.
Qeyd edək ki, Türkiyənin müxtəlif şəhərlərində baş verən etiraz aksiyaları ilə əlaqədar olaraq 730 nəfər saxlanılıb.