Azərbaycan paytaxtında dəm qazı daha bir ailənin faciəsi ilə nəticələnib. Bu barədə Nəsimi Rayon Polis İdarəsindən bildirilib.

Hadisə bu gün rayonun Moskva prospekti 82, mənzil 33 ünvanında qeydə alınıb. Həmin ünvanda yaşayan, 25 yaşlı İbrahim Dəyanət oğlu Şabanov və onun həyat yoldaşı, 18 yaşlı Şəhla İlqar qızı Hacıyeva dəm qazından boğularaq dünyasını dəyişiblər. Onların meyiti valideynləri tərəfindən bu gün günorta saatlarında aşkar edilib.

Polisdən həmçinin bildirilib ki, vəfat edən şəxslər gənc ailə olub. Onlar 3 gün əvvəl ailə həyatı qurublarmış.

Faktla bağlı araşdırma aparılır.