Azərbaycanın baş naziri Artur Rasizadə noyabrın 16-da Avropa Komissiyası sədrinin müavini, Avropa Birliyinin xarici əlaqələr və təhlükəsizlik siyasəti üzrə ali nümayəndəsi, xanım Ketrin Eştonun başçılıq etdiyi nümayəndə heyəti ilə görüşüb.

A. Rasizadə K. Eştonun səfərinin Azərbaycanla AB arasında əlaqələrin daha da genişlənəcəyinə təkan verəcəyini bildirib. Dağlıq Qarabağ münaqişəsi barədə məlumat verən baş nazir deyib ki, bu problem yalnız beynəlxalq hüquq normalarına uyğun olaraq Azərbaycanın ərazi bütövlüyü çərçivəsində həll edilməlidir.

Öz növbəsində, K. Eşton Azərbaycana səfərindən məmnunluğunu bildirib.

Görüşdə Azərbaycanla AB arasında ikitərəfli münasibətlərin inkişafına dair fikir mübadiləsi aparılıb.