Batumidə “GUAM və Baltik ölkələri təhlükəsiz, uğurlu region uğrunda tərəfdaşdırlar” mövzusunda beynəlxalq konfrans keçiriləcək

İyunun 27-28-də Gürcüstanın Acarıstan Muxtar Respublikasının paytaxtı Batumi şəhərində “GUAM və Baltik ölkələri təhlükəsiz, uğurlu region uğrunda tərəfdaşdırlar” mövzusunda Beynəlxalq konfrans keçirilməsi planlaşdırılır.Konfransda GUAM PA-nın sədri, Gürcüstan parlamentinin vitse-spikeri Zurab Abaşidze, Azərbaycandan GUAM PA-da daimi nümayəndəliyinin rəhbəri Elton Məmmədov, Baltik Assambleyasının prezidenti Raymond Veyonis, GUAM-ın baş katibi Valeri Çeçelaşvili və digər rəsmi şəxlər iştirak edəcək.

Konfransda mütəşəkkil cinayətkarlığa qarşı mübarizə məsələlərinə praktik və intellektual yanaşma, regiona investisiya yatırımı, energetika, turizm sahələrində əməkdaşlıq, Avropa və Avratlantikaya inteqrasiya, GUAM və Baltik Assambleyasının əməkdaşlıq perspektivləri və s. məsələlər müzakirə olunacaq.