Misirin Mənsurə şəhərində Prezident Məhəmməd Mursi tərəfdarları ilə əleyhdarları arasında qarşıdurma baş verib.
"Anadolu" agentliyinin verdiyi məlumata görə, Misir Səhiyyə Nazirliyinin mətbuat katibi Yəhya Musa Mənsurədə baş vermiş toqquşma nəticəsində Əbdülhəmid Annan adlı bir nəfərin həlak olduğunu, 162 nəfərin yaralandığını açıqlayıb.
Hadisə şahidləri "Əl-Cəmiyyə əş-Şəriyyə" məscidində namaz qıldıqdan sonra "Sülhə hə, şiddətə yox" şüarı ilə aksiya keçirən Mursi tərəfdarlarına daş, bıçaq və dəyənəklərlə edilən hücum nəticəsində qarşıdurma yarandığını bildiriblər.
Polisin plastik mərmi və qaz bombasından istifadə etdiyi toqquşmalar hələ də davam edir.