Misir prezidentinin saxlanma müddətində yaşanan maraqlı detal mətbuata sızıb


Misirdə ordunun devirdiyi ölkə prezidenti Məhəmməd Mursiyə Türkiyəyə getmək təklif edilib. Mursinin saxlanma müddətində yaşanan maraqlı bir detal mətbuata yayılıb.

Türkiyə mətbuatının verdiyi məlumata görə, ordu Mursiyə "Türkiyəyə get" deyə müraciət edib. Hökumətə bağlı olan "Əl Ahram" qəzetinin yazdığına görə, ordunun Mursiyə Misir tərk edərək getməyi təklif etdiyi siyahıda 3 ölkə olub - Türkiyə, Qətər və ya Yəmən. Lakin, o, ölkəsindən ayrılmayacağını deyərək bu təklifi rədd edib.

Ölkədə həbsdə olan Mursi və "Müsəlman qardaşları"nın 35 rəsmisi haqqında araşdırma başlanılıb.