ABŞ Konqresi İrana qarşı yeni iqtisadi sanksiyalar zərfi hazırlayır. Məlumata görə, ABŞ konqresinin yuxarı və aşağı palataları tərəfindən hazırlanan qanun layihələrində İranın mədən və tikinti sektorunda çalışan bir sıra müəssisələrinin "qara siyahıya" salınması nəzərdə tutulur.

Həmçinin 2015-ci ilə kimi İran neftinin ixracının tam dayandırılması məsələsi qoyulub.

Qeyd edək ki, keçən il qüvvəyə minmiş sanksiyala İran neftinin xaricə ixracını iki dəfə azaldıb. ABŞ Konqresinin Nümayəndələr Palatası qanun layihəsini avqustda qəbul edə bilər. Senatda səsvermə isə sentyabrda ola bilər .