“Traxtur” futbol takımının Asiya oyunlarını yaymaq üçün Türkiyənin 2 idman kanalı ilə ilkin anlaşma əldə edilib.

Həmin kanallar NTV spor və TRT spor kanallarıdır. Onlardan birinin “Traxtur”un Asiya oyunlarını yayması ehtimal edilir. Məlumata görə, İlkin razılığın əldə edilməsinin gecikməsi İranın Türkiyədəki səfirliyinin məsələyə maneə törətməsi olub. Belə ki, səfirlik həmin kanallara məktub göndərməklə anlaşmanın baş tutmasına mane olmağa çalışıb. Lakin hər iki kanal Azərbaycan takımının Türkiyədə çoxlu tərəfdarı olduğunu bildirərək, qeyd edilən oyunları yayımlamağa qərar verdiklərini bildiriblər. Anlaşma İran televiziyasına aid deyil və yalnız azərbaycanlı fəallar və bir neçə xoşniyyətli tacirin maliyyə yardımı ilə həyata keçirilməlidir.