35 yaşlı kişini 5 il həbs gözləyir


Rusiyanın paytaxtı Moskvada Azərbaycan vətəndaşı polislərə hücum edib.Rusiya mətbuatının verdiyi məlumata görə, hadisə ötən gün Şukino rayonunda Roqovo küçəsində qeydə alınıb.

Polislər düzgün park edilməmiş əcnəbi nömrəli avtomobil görüblər. Onlar "Mercedes" markalı maşına yaxınlaşaraq, sürücüyə məsələni aydınlaşdırmaq üçün bölməyə getməyi təklif ediblər.

Polisin iddiasına görə, bu zaman 35 yaşlı azərbaycanlı polislərə hücum edərək onlara bir neçə zərbə vurub. Hadisə ilə bağlı cinayət işi açılıb. Adı açıqlanmayan azərbaycanlını 5 ilə kimi həbs cəzası gözləyir.