Bakıda iş adamı həbs edilib. Bu barədə Suraxanı Rayon Polis İdarəsindən məlumat verilib.

Məlumata görə, Hövsan qəsəbə sakini, 51 yaşlı Rüstəm Nuru oğlu Səfərov qanunsuz silah saxlamaqda təqsirli bilinərək saxlanılıb. Polis əməkdaşlarının həyata keçirdiyi əməliyyat nəticəsində ondan 15 il qanunsuz gəzdirdiyi “Naqan” tipli tapança güllələri ilə birgə aşkar edilərək götürülüb.

Polisdən həmçinin bildirilib ki, saxlanılan R. Səfərov Bakıda böyük ticarət obyektlərinin sahibidir.