Azərbaycan milli komandası bu gün növbəti yoxlama oyununa çıxıb.
Berti Foqtsun komandası Malta yığması ilə qarşılaşıb.
Qeyd edək ki, bu qarşılaşma komandalar arasında dördüncü duel olub.
Millimiz indiyədək Malta seçməsi ilə üç dəfə qarşılaşıb və hər üç oyunda məğlub olub.
Bu baxımdan bügünkü oyun millimiz üçün xüsusi önəm kəsb edib.
Belə ki, oyun saat 21:00-da "Baksel Arena"da start götürüb.
Maraqlı mübarizə şəraitində davam edən matç 3:0 hesabı ilə millimizin xeyrinə başa çatıb. Qolları isə 5 və 71-ci dəqiqələrdə Rüfət Dadaşov, 63-cü dəqiqədə Rauf Əliyev vurub.
Xatırladaq ki, cari ildə yığma komandamız üç yoxlama oyunu keçirib.
Özbəkistanla qolsuz bərabərə qalan millimiz Lixtenişteynə 1:0 hesabı ilə qalib gəlib. Qətərlə isə 1:1 hesablı nəticə qeydə alınıb.