Misirdə cümə günü baş verən toqquşmalarda islamçı və güc strukturları nümayəndələrindən ölənlərin sayı 60 nəfərə çatıb.Assoşieyted Press agentliyinə bu barədə ölkənin təhlükəsizlik xidmətində olan mənbələr məlumat verirlər.
Bundan əvvəl ölkə paytaxtı Qahirədə 50 nəfərin həlak olması barədə xəbər verilib.
Misirin islamçı müxalifəti cümə gününü "qəzəb günü" elan edib və öz tərəfdarlarını hərbçilərin hərəkətlərinə etiraz əlaməti olaraq "milyonların marşına" çıxmasına çağırıb.
Polis xəbərdarlıq edib ki, qanunazidd hərəkətlərin qarşısını çox sərt şəkildə alacaq. Güc strukturlarının əməkdaşları güllələrdən və gözyaşardıcı qazdan istifadə edirlər.
Cümə günü axşam "Müsəlman Qardaşları" Misir hərəkatının liderləri öz tərəfdarlarını həmin gün etiraz aksiyasını başa çatdırılmasına, lakin həftə boyu küçələrdə belə aksiyaların keçirilməsinə çağırıblar.