Bu gün Azərbaycanın milli, mədəni və iqtisadi kimi hüquqları uğrunda fəaliyyət göstərən bir çox soydaşımız, İran zindanlarında ağır işgəncələr altında məhbus həyatı yaşamaqdadırlar.



Azərbaycan cəmiyyəti başda şəhidlərimiz olmaqla vətən uğrunda təzyiqlərə məruz qalmış və həbs edilmiş soydaşlarımızı yüksək qiymətləndirib və onları mümkün yollarla dəstəkləyibdir.



Sentyabrın 20-i (şəhrivərin 29-ü) Azərbaycanın qəhrəman oğlu, günahsızcasına 8 il həbsə məhkum edilmiş, hazırda Evin zindanında məhbus həyatı yaşayan azərbaycanlı fəal cənab Səid Mətinpurun doğum günüdür.



Bu zəmində bir qrup daxil və xaricdə fəaliyyət göstərən Milli Hərəkat fəalları tərəfindən Bəyanat yayılıb. Bəyanatda millət və vətən uğrunda fəaliyyət göstərib, təzyiq və işgəncələrə məruz qalan insanların dəyərindən söz açılıb. Səid bəy Mətinpurun getdiyi yol qiymətləndirilib və bir simvol kimi yad edilib.

Bəyanatda bildirilib ki, Səid bəyin doğum günü (Sentyabrın 20-i , şəhrivərin 29-ü) Güney Azərbaycan siyasi məhbusların günü kimi qeyd olunsun və hər il bu gün siyasi məhbuslar ağırlansın.