Avqustun 24-də Qətərin xarici işlər naziri Xalid Məhəmməd Əl-Atıya Türkiyəyə rəsmi səfərə gələcək. Bu barədə Türkiyə XİN-in rəsmi saytında yerləşdirilmiş məlumatda deyilir.
Məlumata görə, Əl-Atıyanın səfər zamanı bir sıra görüşlər keçirəcəyi, o cümlədən Türkiyənin xarici işlər naziri Əhməd Davudoğlu ilə görüşəcəyi gözlənilir.
Səfərin gedişində tərəflər Misir və Suriyadakı vəziyyəti, eləcə də Qətər və Türkiyə arasındakı ikitərəfli münasibətləri müzakirə edəcəklər.