Türk Dünyası Gənclər Dərnəyi tərəfindən Qırğız-Türk Manas Universitetində “Türk Dünyası gəncliyinin dünəni, bu günü və sabahı” adlı konfrans keçirilib. Bu barədə APA-nın Orta Asiya bürosuna Türk Dünyası Gənclər Dərnəyinin sədri Ahmet Sağlam məlumat verib. Onun sözlərinə görə, Türk dünyası gəncliyi arasında əlaqələrin inkişafı və möhkəmləndirilməsi məqsədilə məruzə və təkliflərdən sonra türk, rus, qırğız və ingilis dillərində Türk dünyası gənclərinə müraciət qəbul olunub.