Azərbaycandan alınan sifarişlər üzrə çatdırılmalar bu ilin sonunadək başa yekunlaşacaq

Türkiyənin ROKETSAN şirkəti Azərbaycandan aldığı sifarişlər üzrə çatdırılmaları bu ilin sonunadək tamamlayacaq.ROKETSAN şirkətindən məlumat verilib.



Artıq Azərbaycanın sifariş verdiyi T-122 «Sakarya» tipli reaktiv atəş sistemlərinin və raketlərin önəmli hissəsi təhvil verilib. T-300 «Kasırğa» sistemlərinin istehsalı və sınaqları isə davam etdirilir. Azərbaycanın sifariş verdiyi «Kasırğa» sistemi Türkiyənin silahlanmasındakı analoji sistemlərlə müqayisədə təkmilləşdirilib.



ROKETSAN-ın Azərbaycan üçün hazırladığı universal reaktiv atəş sistemi bir maşın üzərindən həm 122, həm də 300 mm çaplı raketlərdən atəş açmağa imkan verəcək.



Qeyd edək ki, Azərbaycanın Türkiyədən aldığı T-122 «Sakarya» reaktiv atəş sistemləri cari ilin iyun ayında Bakıda keçirilən hərbi parada nümayiş olunub. Bu sistemlər mənzili artırılmış mərmilərlə düşmənin 40 km uzaqlıqdakı hədəflərini məhv etmək gücünə malikdir.