Azərbaycan Milli Elmlər Akademiyası (AMEA) Milli Azərbaycan Tarixi Muzeyi tərəfindən “Nəsib bəy Yusifbəyli - milli istiqlal və dövlətçilik mücahidi” məqalələr toplusu çap olunub.
Azərbaycan Xalq Cümhuriyyətinin 95-ci ildönümünə ithaf olunmuş toplu Rusiyada türk və müsəlman xalqlarının hüquqları uğrunda mübarizə aparan, 1919-cu ilin aprelindən 1920-ci ilin martınadək Cümhuriyyətin hökumət başçısı olan Azərbaycanın görkəmli siyasi və ictimai xadimi Nəsib bəy Yusifbəylinin həyat və fəaliyyəti, ideyaları, apardığı mübarizə, eləcə də müəmmalı ölümünün araşdırılmasına həsr olunub.

Toplunun elmi redaktoru Firdövsiyə Əhmədovadır.