Sentyabrın 23-dən 27-dək Bakıda Azərbaycan, Türkiyə və Gürcüstan hərbçilərinin iştirakı ilə “Eternity 2013” (“Sonsuzluq-2013”) kompüter dəstəkli komanda-qərargah təlimi keçiriləcək.


Bu barədə Azərbaycan Müdafiə Nazirliyindən məlumat verilib.



Türkiyə Silahlı Qüvvələrindən verilən məlumata görə, əsas ixrac neft-qaz kəmərlərinin mühafizəsi ssenarilərinin nəzərdən keçirildiyi təlimdə hər üç ölkədən Silahlı Qüvvələr və kəmərlərin mühafizəsi ilə məşğul olan qurumlardan nümayəndələr iştirak edəcək. Təlimə həmçinin neft-qaz kəmərlərinə cavabdeh qurumların da nümayəndələri qatılacaqlar.



Qeyd edək ki, “Eternity” təlimi ildə bir dəfə növbəlilik əsasında iştirakçı ölkələrin birində keçirilir.