Müraciəti ATƏT-in Minsk qrupunun yeni həmsədri Ceyms Uorlik çatdırıb

Obama Ermənistan prezidentini Azərbaycanla bir başa dialoq üçün imkanlardan istifadə etməyə çağırıb.Ermənistan mətbuatının verdiyi məlumata görə, Minsk Qrupunun yeni təyin edilmiş həmsədr Ceyms Uorlik Ermənistan prezidenti Serj Sarkisyana Obamanın müraciətini çatdırıb.

“Armenpress”in xahişi ilə Ermənistan prezidentinin mətbuat xidmətinə mətni təqim edib. Mətndə deyilir:
“Çox hörmətli cənab prezident!

Səfir Ceyms Uorlikin Ermənistana birinci rəsmi səfəri ilə əlaqədar, sizə bildirmək istəyirəm ki, o, ATƏT-in Minsk qrupunun ABŞ-dan həmsədri kimi mənim tam dəstəyimdən istifadə edir. Onun bu vəzifəyə yenicə təyin edilməsi- ABŞ-ın tərəflərə Qarabağ münaqişəsinin sülh yolu ilə həll edilməsinə köməyə hazır olmasını ciddi təsdiqidir.

Ümid edirəm ki, inkişafa nail olmaq üçün səfir Ceyms Uorlikin zəngin diplomatik təcrübəsi və sizin ölkənin istəyi həmsədrlərin fəaliyyətinə və prosesin sülh yolu ilə nizama salınmasına ciddi impuls verəcək. Sizi yaxın aylarda vəziyyətdən çıxış imkanları üçün həmsədrlərin zaman və imkanlarından Azərbaycanla birbaşa dialoq üçün istifadə etməyə çağırıram. Çünki qarşılıqlı razılaşmanın ümumi xüsusiyyətləri artıq dəqiqləşdirilib və regionda sülhün bərqərar olması üçün yeni səyləri tədbiq etməyin zamanı gəlib".