Azərbaycan Respublikasının Prezidentliyinə namizədlər artıq seçki komissiyasından keçmək üzrə sənədlərini təqdim etdikdən sonra təbliğat kompaniyasına başlamışlar. Hər bir namizəd öz platformasında prezident seçilərsə, necə fəaliyyət göstərəcəklərini bəyan etməklə fərqli fikirlər irəli sürürlər. Lakin namizədlərin irəli sürdükləri əhəmiyyətli fikirlərlə yanaşı keçdikləri həyat yolu da önəmlidir.
Vətən və xalqın azadlığı yolunda əlində silah düşmənlə üzbəüz neşə dəfə ölüm təhlükəli savaş meydanından keçən, iyirmi beş vətənpərvər, qəhrəman oğullarla “Soyuq” hərbi bazasını rus hərbçilərindən təmizləyən və milliləşdirən Xalq Qəhrəmanı, MDHP-nın sədri, Millət Vəkili Fərəc bəy kimi siyasi liderin prezdentliyə namizədliyi Azərbaycan tarixində ilkin olaraq baş verən şərəfli bir hadisədir.
Hələ “Sərhəd hərakatı” başlayan vaxtlarda Güney Aqzərbaycanla Qüzey Azərbaycan arasındakı sərhəd məftillərinin sökülməsinə təkan verib onu icra edənlərə başçılıq edən Fərəc bəy hansı təhlükələrdən keçdiyi haqqında tarixi xatirələr və yazılmış əsərlərdə mövzular var. Azərbaycan xalqına “Bütöv Azərbaycan eposu” unda Fərəc bəy və azadlıq hərəkatı fəalları haqqında poetik qeydiyyatlar artıq geniş formada məlumdur... Sonradan günahsız yerə böhtana məruz qalan, söz yox ki, xarici düşmənlərin və daxili manqurtların təşkilatçılığı ilə səkkiz il həbsxana həyatı yaşamış zəka sahibi və mübariz, vətənpərvər Azər türk oğlu “Müasir dünya düzənində Azərbaycanın yeri və roluu” adlı siyasi-fəlsəfi tezislərini yazdı. Bu siyasi əsərdə müəllif TAB iqtisadi- siyasi formanı təhlil edərək keçmiş Sovetlər məkanının böhrandan çıxış yollarına düzgün istiqamət verdi. Həmin əsərdə Azərbaycan xalqı ilə paralel türkdilli və qeyri xalqların da iqtisadi əlaqələrdən keçən siyasi münasibətlər zəmnində dinc-yanaşı yaşamaları yolları elmi müstəvidə məntiqi surətdə şərh olunmuşdur. Fərəc bəy “Missiya” adlı əsərində də dəyərli fikirlər irəli sürməklə, Azərbaycan tarixiində bəzi yanılış məqaqmları qabartmaqla ibrət yönümlü amillər göstərir və torpaqlarımızın işğalına səbəb həmin amillərin təkrar olunmamasını tövsiyə edir. Kitabda maraqlı xatirələrdən ən əsası “Soyuq” yüksəkliyində rus hərbi bazasının qarlı-şaxtalı bir vaxtda necə təhlükələrdən keçərək alınması haqqında, demək olar ki, iyirmi beş cəsur döyüşçünün əfsanəvi qəhrəmanlıqlarından bəhs olunur. Bir inkaredilməz fakt var ki, əgər Naxçıvan üçün ən strateji əhəmiyyətli “Soyuq” hərbi bazası ermənilərin əlinə keçmiş olsaydı, indi Naxçıvanın da aqibəti Qarabağ ellərimizin aqibətinə bənzər bir vəziyyətdə olardı...
Orta məktəb dövründən qızıl medalla ATU-nə qəbul olunub tələbə həyatına qədəm qoyduğu vaxtdan, indinin özündə də daim Vətən və xalqın azadlığı haqqında düşünən, şərait və imkan yaranan müddətdə əlində silah fiziki, siyasi aləmdə yazıları və məntiqi çıxışları ilə dönməz mübarizə aparan Fərəc bəy hal-hazırkı durumda dünya azərbaycanlıları tərəfindən milli lider qəbul edilmişdir: onun ideoloji əsasını haqzırlamaqla təşkil etdiyi MDHP Elçibəy prinsiplərininə önəm verməklə fəaliyyət göstərir: azərbaycançılıq, türkçülük-turançılıq məramı ilə bütöv Azərbaycan arzusuna çatmaq uğurunda ardıcıl mübarizə aparır.
Fərəc bəy tək Azərbaycan siyasiləri sırasında deyil, hal-hazırkı durumda dünya siyasiləri sırasında siyasi fəaliyyəti və dünyagörüşü baxımından üstün bir şəxsiyyətdir. Azərbaycan xalqı onu səksəninci illərin sonlarından başlayaraq siyasi və hərbi meydanlarda cəsarətli, dönməz vətən oğlu kimi tanımağa başlamışdır. O, Millət Vəkili kimi hər bir çıxışlarında və beynəlxalq nümayəndələrlə görüşlərində Azərbaycan həqiqətlərini önə verməklə qarşı tərəfi də bu həqiqətlərlə razılaşdırmağı bacaran səriştəli diplomat və çevik siyasətçidir.
Azərbaycan Respublikası Prezidentliyinə namizədlik üçün səs toplamaq kampaniyası zamanı imza verən çoxsaylı ziyalılar və xalq arasında aparılan ictimai sorğular Fərəc bəyi Azərbaycan Respublikasının Prezidenti kimi belə xarakterize edirlər: Korrupsiyasız cəmiyyət, qanunların aliliyinin həqiqi təminatı, elm-maarifin inkişafında sıçrayış, bir il müddətinə işğal olunmuş torpaqların ya hərbi, ya da siyasi yolla qaytarılması, işsizlik əzabından əzilən gəncliyin bütünlüklə işlə təmin olunması, Azərbaycan qadınlarına dövlət qayğısı, dünya azərbaycanlılarının ümumi Vətəni olan Azərbaycan Dövlətinin hüquq və müdafiə məkanı kimi fəaliyyəti...
Azərbaycan Respublikasının Prezidenti seçkisində Xalq Qəhrəmanı, MDHP-nın sədri, Millət Vəkili Fərəc bəyə bir daha qalibiyyət arzulayıram!

N. Göyçəli