Separatçı talış birliyinin başçısı Ələkrəm Hümbətov Ermənistanın paytaxtı Yerevana gedib.

Ermənistanın “Armtoday.info” agentliyi xəbər verir ki, Ələkrəm Hümbətov sentyabrın 24-də Yerevan Dövlət Universitetinin iranşünaslıq kafedrasında talışşünaslıq proqramının açılışında iştirak edəcək.

Ələkrəm Hümbətov elm xadimləri və ictimai-siyasi dairələrin nümayəndələri ilə görüşəcək, daha sonra Dağlıq Qarabağa iki günlük səfər edib Xankəndi Universitetində çıxış edəcək.

Ötən əsrin 90-cı illərində Azərbaycanda dövlətə xəyanətə görə məhkum olunmuş Ələkrəm Hümbətov Hollandiyada yaşayır.