Bu ilki lauretalara 926 min avro təqdim olunacaq
Dünya 2013-cü ilin Nobel mükafatı laureatlarının adları oktyabrın 7-dən 14-dək Stokholm və Oslo şəhərlərində açıqlanacaq.Bu barədə Nobel fondunun mətbuat xidmətindən məlumat verilib.
Qaydaya uyğun olaraq, 7 oktyabrda fiziologiya və tibb, 8 oktyabrda fizika, 9 oktyabrda kimya sahəsində Nobel sahiblərinin adları məlum olacaq. 11 oktyabrda Nobel Sülh mükafatı təqdim olunacaq. Oktyabrın 14-də isə iqtisadiyyat sahəsi üzrə Nobel mükafatını alacaq şəxs məlum olacaq. Amma hələ ki, Nobel mükafatının təqdimetmə marasiminin nə vaxt keçiriləcəyi isə məlum deyil.

Xatırladaq ki, iqtisadiyyat sahəsində Nobel mükafatının verilməsi Alfred Nobelə məxsus deyil. Bu mükafat A. Nobelin ölümündən sonra onun şərəfinə verilir.
Bu il mükafatçılara 926 min avro (8 milyon isveç kronu) təqdim olunacaq.