«Vaşinqtonu işğal et» hərəkatının üzvləri qısa müddəti ABŞ Konqresini «işğal ediblər». Ziyarətçi qismində tək-tək Konqres binasına daxil olan nümayişçilər içəridə birləşərək şüarlar səsləndirməyə başlayıblar. Onların əsas şüarı «Biz 99%-ik, Konqres isə 1%-i təmsil edir» olub. Bir müddətdən sonra ərazidə polis əməkdaşlarının sayı artırılıb. Polislərin son xəbərdarlığından sonra nümayişçilər Konqres binasını tərk ediblər.