İşqalçı İran terorçuluğu ve GAİP - Güney Azerbaycan İstiqlal Patisi, GAİP, istiqlalçı olduğuna göre, her zaman işqalçı İran’ın basqı ve terorçuşuq hedefi olmuşdur.
GAİP’ı başqa qurumlar ve örgülerden daha belirgin eden, onun heç zaman Güney Azerbaycan Türk milletçiliği yolundan şaşmaması ve bütün gücü ile ve energi hedere vermeden bağımsızlığı özüne temel düşünce bilmesidir. GAİP’da temel düşünce olan bağımsızlıq düşüncesi, Güney Azerbaycan İran işqalı altına girenden buyana Fars-İran düşüncesine qarşı Azerbaycan-Türk düşüncesi olaraq beslenilmişdir. Bu uzun işqal süresinde, milyonlar Türkümüz Farslaşdırılmışdır, zorunlu köçe me’ruz qalmışdır, ailesi dağılmışdır, zindanlarda çürümüşdür, işkenceler altında can vermişdir, e’dam veya teror olunmuşdur. Güney Azerbaycan topraqlarını ve Türk milletini yox etmek üçün, İşqalçı Fars-İran sistemi, bu insanlıq ve Türklük düşmanlığında, heç bir şeyden esirgememişdir. Özünü istiqlalçı bildiren Güney Azerbaycan Türkü, ve bağımsızlığı bu rezalet ve esaretden çıxış yolu belirleyen herkes, bizim varlıq düşmanımız olan İran’ın qorxunc gizli ve belli görevlilerinin terorunundan heç zaman güvende değildir. İşqalçı İran’ın Anti Azerbaycan siyasetlerine qarşı çıxan herkes, her zaman, her yerde, İran terorçularına bir hedef kimindir. Bu gerçeği, bizden artıq, İran’çı sözde Azerbaycanlılar, ve İran’çılar anlamışlar. Ona göre de onlar, İran’a qarşı olan, ve istiqlalçı olan fa’allardan ya uzaq gezib ya onları texrib edirler. İran’ın açıq ve gizli, pullu ve pulsuz nökerleri, ‘’tecziyeteleb’’lerin and içmiş düşmanlarıdırlar. Gerçek istiqalçı fa’allar, hem içeride hem de eşikde qurbetde, öz canlarını bu yolda qurban deyib, her derde ve her belaya hazır yaşayırlar. İran’ın işqalçı terorçu devleti, 1979’dan buyana, hem içeride ve hem de eşikde, bütün ciddi olan muxaliflerini, eli ve imkanı yetişdiği qeder, yox etmişdir.

Bir muxalif, hele de diri ise, o İran devletinin eşiğe gönderdiği qatillerin listesinin üstünde değil demkdir. Ancaq İran İslam devletinin amacı, geç ya tez, her İran’ın bütünlüğüne ve işqalçı terorist devletçiliğine qarşı çıxanları, yox etmekdir. Bu acı gerçek, İran’ın geçen 33 ilde xaricde teror etdiklerinin listesine baxanda belli ve isbat olur. İran terorist devletini en çox qızdıran, yalnızcasına ve tek tek, rejime buyanda oyanda söz atanlar değildir. Bizim vetenimizin ve milletimizin düşmanını en çox rahatsız eden, teşkilatlanmış ve qurumlanmış hereketlerdir. Nece ki İran devleti bir teşkilatdir, ve özüne qarşı ve qenim olan teşkilatları tehemmül etmez, ve her yerde, her zaman teşkilatların ve teşkilatlanmanın qarşısına geçer. Geçmiş 33 ilde, İran devleti içeride qorxu ve vehşet düzeni yaratdığı kimin, xaricde de, qorxu ve terorun yanında, teşkilatların düzelmesini önlemiş, ve düzelenlerin de dağılmasına ağır çaba ve sermaye xerc etmişdir. Bu arada, bir sürü özünü Azerbaycançı tanıtdıran ancaq bilerek ya bilmeyerek, İran’a çalışanlar da teşkilatları ze’ifletmede ve dağıtmada payları olmuşdur.
GAİP teşkilatı qurulandan buyana, Güney Azerbaycan uğruna çalışan kimsenin bu iğrenc siyasi sistemin teror caynaqlarından emanda olmadığı kimin, bu gün, GAİP’ın en çalışqan ve en çox emek veren fa’allarından olan, Hollanda temsilcisi sayın Araz Ataxan bey, terora ve vehşete me’ruz qalmışdı. Üzüntüyle, bu Azerbaycan’a özünü adayan üyemiz, terorçularını elinde qeyri insani vehşiliğe uğramışdır, ancaq, Hollanda polisinin mudaxilesi ile, şükürler olsun ki, canı selamet qurtarmışdır. Bu arada tororçular qaçaq durumda, ve Hollanda polisice aranmaqdadır. Biz bu yazıyla, milli hereketimizde her fa’alla geçmiş olsun deyerek, herkese ‘’hazır ol’’da olmasını önererek, böyle saldırılara savunmasız durumda qalmasınlar diye uyarıda bulunuruq. Böyük Azerbaycan Türk milletine and içirik, ki bağımsızlıq davamızda, heç bir şeyi cavabsız qoymayacağıq, ve heç bir şeye terefsiz olmayacağıq. Biz bu yola bile bile, Azerbaycan’a qurban olaq diye girmişik. Bu yolda, saadetli müsteqil Güney Azerbaycan ve Böyük Azerbaycan amacımızdır, ve amacımıza erene qeder, sözümüzden dönmeyeceyik. Bunu dost da düşman da böyle bilsin. Bizim ne Fars-İran irticai vehşetinden, ne de babaları Rus’lardan ve Çin’lilerden qorxumuz var. Azerbaycan yolunda, bizim canımızın deyeri ne Babek’lerden, ne Xiyabani’lerden, ve ne de minler minler şehidimizden çoxdur. Biz her şeyi vetene qurban demişik. Her şey veten için.

Yaşasın Azerbaycan
GAIP Mətbuat xidməti
22 OCT. 2013