Misir Ali Hərbi Şurası İsam Şərəfin rəhbərlik etdiyi hökumətin istefasının ardınca yeni hökuməti qurmağı sabiq baş nazirlərdən biri olan Kamal əl Qanzuriyə həvalə edib. Misir Ali Hərbi Şurasının sədri Marşal Hüseyn Tantavi ilə görüşən K. Qanzuri yeni hökuməti qurma vəzifəsini qəbul etdiyini açıqlayıb. K. Qanzuri 1996-1999-cu illər arasında sabiq dövlət başçısı Hüsnü Mübarək dövründə baş nazir olub.
Qeyd edək ki, baş nazir İsam Şərəfin başçılıq etdiyi Misir hökuməti Təhrir meydanında keçirilən aksiyaların fonunda istefa verib.