Azərbaycan Hərbi Dəniz Qüvvələrinin (HDQ) yeni hərbi bazasının gələn il istifadəyə verilməsi planlaşdırılır. Bu barədə Müdafiə Nazirliyi məlumat verib.



Qaradağ rayonu ərazisində Putada yerləşəcək hərbi bazada hazırda inşaat işləri davam edir. Yeni hərbi baza müasir naviqasiya, müşahidə sistemləri ilə təchiz olunacaq.



Hərbi bazanın ərazisində zabitlərin və onların ailələrinin yaşaması üçün yaşayış binaları inşa olunub. Hazırda yaşayış binalarında işlər yekunlaşmaq üzrədir.



Bununla yanaşı, yaxın illərdə cənub və şimal istiqamətlərində HDQ-nin divizionlarının inşası nəzərdə tutulur.