Təbrizin “Traxtur” futbol takımı ən prinsipial (əsli) müsabiqəyə hazırlaşır.
İran üzrə futbol klublarının super liqa rəqabətlərinin 15-ci həftəsində keçiriləcək müsabiqədə, “Traxtur” takımı Tehranın “İstiqlal” takımı ilə qarşılaşacaq.
Müsabiqə noyabrın 8-də (abanın 17-də) yerli vaxtla saat 16:15-də Təbrizin səhənd stadionunda start götürəcək.
Qeyd edək ki, son illərin təcrübəsi göstərib ki, “Traxtur”la “İstiqlal”ın müsabiqəsi xüsusi əhəmiyyət daşıyır və “Traxtur”un ən prinsipial müsabiqəsi sayılmaqdadır. Buna səbəb iki takımın super liqa rəqabətlərində bir-birinə rəqib olması və “İstiqlal” tərəfdarlarının müsabiqələr zamanı “Traxtur” klubu, onun tərəfdarları və Azərbaycan türk millətinə qarşı mənəvi hücumları və təhqiramiz şüarlarıdır. Ona görədə, keçmiş illərdə bu iki takımın müsabiqəsi əlamətdar hadisələrlə yadda qalıb. Məhz bu səbəblərə görə, 5-ci gün (cümə günü) keçiriləcək müsabiqənin həyəcanlı olacağı və çoxsaylı “Traxtur” tərəfdarının tamaşaçı qismində iştirak edəcəyi gözlənilir.