Türkiyə Respublikası Ədliyyə Nazirliyinin Cəza və Həbs Evləri Baş İdarəsinin rəisi Enis Yavuz Yıldırımın rəhbərlik etdiyi nümayəndə heyəti Azərbaycana rəsmi səfərə gəlib.



Penitensiar xidmətin ictimaiyyətlə əlaqələr şöbəsindən APA-ya verilən məlumata görə, nümayəndə heyətinin üzvləri Ali Məhkəmədə iş fəaliyyəti ilə tanış olublar.


Daha sonra nümayəndə heyəti Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Bakı şəhəri Xətai rayonunda yerləşən “ASAN xidmət”ində olublar. Müraciət olunan dövlət orqanları tərəfindən “ASAN xidmət” mərkəzində vətəndaşlara birbaşa göstərilən xidmətləri qonaqlar maraqla izləyib və yüksək qiymətləndiriblər.