Ermənistan Təhlükəsizlik Şurasının sədri Artur Bağdasaryan ölkədə hərbi sənaye kompleksi üzrə dövlət komitəsi yaratmaq təşəbbüsü irəli sürüb

BayMedia-nın erməni mətbuatına istinadən verdiyi xəbərə görə, dövlət rəsmisi deyib ki, beynəlxalq təcrübə hərbi sənaye kompleksinin işini effektiv qurmaq üçün ixtisaslaşmış qurumun yaradılmasının daha doğru olduğunu göstərir.
Hərbi sənayenin problemləri ilə məşğul olan hökumət komissiyasının 7 noyabr iclasında çıxış edən Bağdasaryan dövlət komitəsi yaratmaq təklifinin prezident Serj Sərkisyana təqdim olunacağını vurğulayıb: “Hərbi gücünü durmadan artıran Azərbaycanın milli təhlükəsizliyimizə təhdidləri hərbi sənaye kompleksi üzrə dövlət komitəsi yaradılmasını zəruri edir”.