Türkiyə Respublikasının prezidenti Abdulla Gül dekabrın 1-də Qırğızıstanda bir günlük səfərdə olacaq. Bu barədə Qırğızıstan Respublikası prezidentinin mətbuat xidmətindən məlumat verilib.
A.Gülün səfərində məqsəd Qırğızıstanın yeni prezidenti Almazbek Atambayevin dekabrın 1-də keçiriləcək andiçmə mərasiminə qatılmaqdır.
Qırğızıstan Türkiyə İş Adamları Dərnəyinin sədri Hüseyin Muslunun bildirdiyinə görə, prezident Abdulla Gül Qırğızıstana ziyarəti çərçivəsində Bişkekdə 5 gün davam edəcək Türk malları sərgisinin açılışını da həyata keçirəcək.
A. Gülüln başçılıq edəcəyi nümayəndə heyətinin tərkibində Türkiyə baş nazirinin müavini Bəkir Bozdağ və digər rəsmi şəxslər daxildir.