Azərbaycan Respublikası Gənclər və İdman Nazirliyinin və Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə noyabrın 9-10-da “ClimBaku” idman dırmanması mərkəzində keçirilən yarışda FAİREX-in "Salavat", "Ekstralife", "Şahdağ", "Zirvə", "Qaya Qartalları", "Ekosport", "Climber", "Gənclik", "AMEAST", "Qərb Universiteti", "Tanrıdağ", "Gəncə", "İrəli", "Rockstone", "Blackstone", "Şəki", "Kəpəz", "Kyanit", "Qafqaz" və digər idman klubları ilə yanaşı, İran İslam Respublikasından olan idmançılar da iştirak edib.



FAİREX-in mətbuat xidmətindən verilən məlumata görə, çempionat kişi və qadınlar arasında boulderinq, çətinlik və sürət növləri üzrə üç mərhələdə (təsnifat, yarımfinal, final) keçirilib.



Çempionatın final mərhələsinin sonunda qaliblərə Gənclər və İdman Nazirliyinin diplomu, FAİREX tərəfindən isə medal və sertifikatlar təqdim olunub.