Yığmamızın futbolçusu Əli Gökdəmir cari mövsüm klubunda 2-ci qolunu vurub. O, “Hannover 96”nın U-23 komandasının “Kloppenburq”la keçirdiyi çempionat oyununda fərqlənib.

Qarşılaşmada start heyətində meydana çıxan və 90 dəqiqə müdafiə xəttində çıxış edən Gökdəmir komandasının 2-ci qoluna imza atıb. 74-cü dəqiqədə rəqibin azlıqda qalmasından yararlanan futbolçumuz 4 dəqiqə sonra qolunu vurub. Əlinin vurduğu qol görüşdə son nöqtə olub – 2:0.

Qeyd edək ki, ötən ay Hamburq “Viktoriya”sının qapısına da yol tapan Əli Gökdəmir millimizin düşərgəsinə noyabrın 14-də qoşulacaq.