İran Azərbaycan sərhədində gərginlik bu gün də davam edir. Ağır tonnajlı yük maşınları İran tərəfə buraxılmır, bu səbəbdən də əksər maşınlar yüklərinin yarısını boşaldaraq sərhədi keçiblər.

Artıq 3 gündür ki, İranın Azərbaycana məxsus avtomobillərə 30 ton həcmində yükün təyin edilməsi ilə başlanan gərginlik hazırkı vaxta kimi davam etməkdədir. "Avtomobillər qarşı tərəfə buraxılmır. Bu yük avtomobillərinin əksəriyyəti yanacaq, eləcə də mavi qazla yüklüdür və bunların yüklərinin digər avtomobillərə boşaldılması mümkün deyil".

Baxmayaraq ki, səhər saatlarında tikinti materialları, ərzaq ilə yüklü bəzi avtomobillər öz yüklərini 30 tona qədər endirərək qarşı tərəfə keçə bildilər, lakin yanacaq daşıyan yük avtomobillərinin sürücüləri isə hələ də İran tərəfinə yüklərin daşınmasında müəyyən güzəştə gedəcəyinə ümid edirlər. Bütün bunlara baxmayaraq, səhər saatlarında İrana məxsus yük avtomobilləri təxmilə 40 tona yaxın yüklə maneəsiz olaraq Azərbaycana keçdilər. Hələki gərginlik sərhəd keçid məntəqəsində davam etməkdədir.