Noyabrın 27-də UEFA Çempionlar Liqasının qrup mərhələsində 5-ci tur başa çatıb. B qrupunda yarışan Türkiyənin “Qalatasaray” komandası Madriddə “Real”ın qonağı olub. 4:1 hesabı ilə qalib gələn ispanlar mərhələ adlayıblar. “Yuventus” öz meydanında “Kopenhagen”i udaraq (3:1) ikinci pilləyə yüksəlib.

Son turda “Yuventus”u qəbul edəcək (10 dekabr) “Qalatasaray” qrupdan çıxmaq üçün mütləq qalib gəlməlidir.

Dünən keçirilən oyunlardan sonra A qrupundan “Mançester Yunayted”, C qrupundan PSJ 1/8 finala vəsiqəni təmin ediblər.