Yekaterina Allahverdiyeva karate üzrə Ukraynada baş tutan yarışmada iki dəfə birinci yer tutub

İdman Azərbaycanlı idmançı xanım, Dneprepetrovsk rayonunun yaşayan, Azərbaycanlı Gənclər İttifaqının aktiv iştirakçısı Yekaterina Allahverdiyeva, karate üzrə Ukraynada baş tutan yarışmada iki dəfə birinci yer tutub.
Bu barədə Ukrayna Azərbaycanlı Gənclər Birliyinin sədri Elza Bakirova məlumat verib.

Y.Allahverdiyeva Azərbaycanı təmsil edib, karatenin “Kata” və “Kumite” növlərində qalib olub. Ternopol şəhərində Kuşnirik Vitaliyin şərəfinə az yaşlı və gənclər arasında beynəlxalq kekusinkay-karate turniri keçirilib.

Turnir çərçivəsində, Almaniya, Belarus, Rusiya, Ukrayna, Bolqariya və s. ölkələr iştirak ediblər. Turnirin nəticələrinə əsasən, Dneprepetrovsk ən yaxşı nəticə göstərib.