Türk Dünyası Mədəniyyət və İnsan Haqları Dərnəyinin başqanı Celal Öcalla müsahibə.

-Celal bəy,sərhədlərin açılması ilə bağlı fikirlər güclənməkdədir. Bu haqda nə deyə bilərsiniz?

-Sərhədlərin bağlı qalmasının əsas önəmi psixoloji təzyiqdir. Uzun illərdir ki, Ermənistana gedən mallar Gürcüstan üzərindən heç bir məhdiyyət qoyulmadan Ermənistana çatdırılması haqqında xəbərlər var. Türkiyə Ermənistanla sərhədləri açarsa,onsuz da 21 ildir həll olunmayan Qarabağ problemi həll olunmaz səviyyə çatar və problem ermənilərin xeyrinə dəyişər. Bu qərarı doğru qarşılanmaz və Azərbaycan insanını dərindən üzər: “Biz savaşaraq torpaqlarımızı azad edə bilərdik, fəqət Türkiyə sərhədləri açdı” fikirləri güclənə bilər. Çox ciddi problemlər yaşanar.

-Bəs nə etmək lazımdı?

-Türkiyə və Türk dünyası bu sualın cavabını Azərbaycan hakimiyyətindən gözləməkdədir. Buna cavab olaraq addımlar atılacaq. İşğal edilən torpaqları azadetmə yönündə Azərbaycan hakimiyyəti qısa,orta və uzun müddətdə hansı bir plan hazırlayıb?Türkiyə və türk dünyası bu planın harasında rol almalıdır? Mübariz İbrahimov hadisəsindən hansı qənaətə gəlmək olar ? Bu məsələyə “mümkünsüzlük həll yoludur” prinsipinə etiraz olaraq dəyərləndirmək necə olardı ? Mümkünlük radikal həll yoluna müaraciət etməyə ehtiyac varmı? Əsas məsələ elə məhz budur. Bununla bağlı qiymətləndirməni Azərbaycan xalqı və rəhbərliyinin özü etməlidir.

-Türkiyənin rolunu necə görürsünüz?

-Türkiyə radikal həll yolunu təklif edərsə, ara qızışdırmaqla, provakasiya (təxribatlara) etməklə ittiham oluna bilər. Artıq Azərbaycan ictimaiyyətində bu məsələnin unutdurulmağa çalışıldığı sezilir. Sanki böyük layihələri həyata keçirənlərə Azərbaycan-Ermənistan arasında artıq müharibənin olmayacağı təminatı verilib. Əgər müharibə olarsa, bütün dünyadan könüllülərin cəlb olunması və xaricdən gələcək silah dəstəyinin Azərbaycana göndərilməsi məsələsi barədə hazırlıq barəsində düşünülübmü? Bunun üçün ətraflı informasiyaya ehtiyac yoxdu. Aidiyyəti şəxslərin məsələyə HƏ cavabı verməsi bəs edir.

-Siz nə təklif edirsiniz?

-Həmçinin Azərbaycan rəhbərliyi işğal olunmuş torpaqların geri qaytarılması üçün Azərbaycanda və bütün dünyada könüllü səfərbərlik etməlidir. İncəsənət xadimləri fəaliyyət planlarını Dağlıq Qarabağla sıx-sıx bağlamalı, xalqı bu istiqamətdə fədakarlıq etməyə dəvət etməlidir. Könüllü səfərbərlikdən sonra isə silahlı səfərbərliyin gələcəyi bir həqiqətdir. Ona görə də, könüllü səfərbərlik işğal olunmuş torpaqları üçün stimulverici(əngizəverici) iradədir. Burada “mən Qarabağı unutmadım, can verməyə hazıram” devizi (şüarı) ilə xalq ruhlandırılacaq. Hərbçilər arasında da, işğal olunan torpaqlara ilk hücum edən hərbi birləşmələrə müxtəlif təltiflər və medalların verilməsi vəd olunmalıdır. Eyni zamanda Ermənistan sərhədlərinin açılması Türkiyədəki erməni lobbisinin zəfəri kimi qələmə veriləcək. Ona görə belə bir səhvə yol verməmək lazımdır. Biz Türk Dünyası Mədəniyyət və İnsan Haqları Dərnəyi olaraq sərhədlərin açılmasına qarşıyıq.

Elnur Eltürk