Azərbaycanlı siyasi məhbus Səid Mətinpur və işçi fəalı Şahrux Zamaninin azadlığı üçün imzatoplama kampaniyası keçirilib. Kampaniya Almaniya Beynəlxalq Əfv Təşkilatı tərəfindən Beynəlxalq İnsan haqları günü münasibəti ilə baş tutub. İmzatoplama kampaniyası Almaniyanın Haydelberg şəhərində dekabrın 8-də başlayıb və bir həftə davam edib.
Kampaniyada Güney Azərbaycanda İran rejimi tərəfindən insan haqlarının pozulması şərh edilir. Toplanan imzalar İranın dövlət və məhkəmə başçılarına göndəriləcək.
Qeyd edək ki, Azərbaycanlı jurnaslist və insan haqları fəalı Səid Mətinpur rejim tərəfindən 8 il həbsə məhkum edilib. Azərbaycanlı işçi fəalı Şahrux Zamani isə rejim tərəfindən 11 il həbsə məhkum edilib.