Şrift:
PKK tərəfdarları polislə toqquşdu
23.12.2013 [14:17] - Gündəm, Türk dünyası-Turan
İstanbul və Şırnakda ötən gecə gərginlik baş verib
Dünya Ötən gecə Türkiyənin İstanbul şəhərində üzü maskalI PKK tərəfdarları ilə təhlükəsizlik qüvvələri arasında toqquşmalar baş verib. Bəyoğlu meydanında icazəsiz aksiya keçirməyə çalışan maskalı şəxslər yollarda barrikadalar quraraq onları yandırıblar. Əraziyə yeridilmiş xüsusi-təyinatlı dəstələr Molotoff kokteylləri və fişənglərlə ətrafa hücum edən PKK tərəfdarlarına gözyaşardıcı qazla müdaxilə edib. Yandırılan barrikadalar isə xüsusi-təyinatlılar tərəfindən su şırnağı ilə söndürülüb. Bəyoğluda gərginlik gecə boy udavam edib.

Şırnak vilayətində də PKK tərəfdarları ilə təhlükəsizlik qüvvələri arasında qarşıdurma baş verib. Cizrə rayonunda üzü maskalı qrupun icazəsiz aksiya keçirmək cəhdi toqquşmalara çevrilib. Barrikadalar quran aksiya iştirakçıları polisin zirehli avtomobillərinə daş, səs bombaları və Molotoff kokteylləri atıb. Polis su şırnağı və gözyaşardıcı qazla müdaxilə edib. PKK tərəfdarları ara küçələrə dağılışsa da, gərginlik gecə boyu davam edib. Cizrədə zirehli texnika qalmağa davam edir.
Bu xəbər oxucular tərəfindən 879 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed