"Əl-Qaidə" döyüşçüləri cümə günü İraqın paytaxtı Bağdadda polis məntəqəsini tutmağa cəhd ediblər.
İTAR-TASS-ın verdiyi məlumata görə, ölkənin Daxili İşlər Nazirliyindən bildirilib ki, intensiv atışma davam edir.
Polisin məlumatına görə, radikallar iki avtomobillə Bağdadın şimalındakı Ət-Tarmiya rayonunda təhlükəsizlik qüvvələrinin mənzil-qərargahına hücum ediblər.
Onlar binanın mühafizəçilərinə atəş açıblar. Lakin polis döyüşçülərin binaya girməsinin qarşısını alıb. Köməyə gəlmiş DİN bölmələri ekstremistləri mühasirəyə alıb.