Telman Dəmir vətənini və xalqını, mənsub olduğu Türk millətinin dünyəvi keyfiyyətlərini öz yaradıcılığında hər zaman alovlu məhəbbətlə tərənnüm edən istedadlı şairlərimizdəndir.
Telman Dəmir (Dəmirov Telman Əhəd oğlu) şair-publisist, yazıçı-dramaturq. 06 yanvar 1941-ci ildə Az. Respublikasının Ağdaş r-nu Hşüm kəndində anadan olub. 1971-ci ildə indiki Bakı Dövlət Universitetinin filoloji fakültəsini bitirib. Bir çox sahələrdə, habelə son vaxtlar Azərbaycan Daxili işlər Nazirliyində kadrlar üzrə baş müfəttiş işləyib.
Bədii yaradıcılığa VI sinifdə başlasa da. Ilk şeiri 1956-cı ildən dövrü mətbuatda çap olunub 15 poema, povest, roman, şeirlər və qəzəllər, hekayə, bir dram, kino-poema kitablarının müəllifidir. Azərbaycan YB-nin, DAK-ın, “Bura vətəndir məclisi”nin, DAB-nin, habelə Azərbaycan Respublikası Əfqanıstan və Qarabağ Veteranları ittifaqının üzvüdür.
”Kafqaz Nyus” qəzetinin baş məsləhətçisidir.

TÜRK OĞLU TÜRKƏM
(ixtisarla)
Yolumun kökündə də,
Atımın tərkində də,
Qəlbimin içində də,
Çayları keçəndə də,
Alışıb-sönəndə də,
Hər yandan dönəndə də
Çağırır məni köküm,
Tarixlər quran Türkəm!..
..........................................
Sabir ilə Hadinin,
Cəfər, Müşfiq, Cavidin,
Seyid Əzim, Rəsul Rza...
Hamsı mənim birliyim-
Zəkalarım, biliyim,
Bu adlar bir kimliyim,
Elmim, mədəniyyətim-
Azərbaycan dövlətim...
Bir adım var, söyləyim:
-Mən ulu, azman Türkəm!
......................................
Niskilimdə Kərküküm,
İrəvanım, Dərbəndim,
Səhflərim-tənəzzülüm...
Yaram, dərd, acılarım...
Təbriz –qəm, qübarım var!
Şəhriyartək çağlaram,
Dərbənd!-deyib ağlaram,
Bu qüssəylə uğlaram...
Yox-yox! Adım-sanım var,
Atilla-zamanım var...
Çingizim- azmanım var,
Teymur-Tamerlanım var...
Bu tarix dəyişəcək,
Haq yerinə gələcək,
Turanım yüksələcək!..
Mən ulu xaqan Türkəm!

Hazırladı : N. Göyçəli.