Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin anadan olmasının 130-cu ildönümüdür.M.Ə.Rəsulzadə 1884-cü il yanvarın 31-də Bakının Novxanı kəndində anadan olub.

Gənc yaşlarında sosial demokratlarla birgə “Hümmət” təşkilatının yaranmasında iştirak edib. Çarizmin təqiblərinə məruz qalaraq 1909-cu ildə Güney azərbaycana mühacirət edən bir müddət orada “İrane-nou” qəzetinin baş redaktoru kimi çalışıb, məşrutə inqilabı yatırıldıqdan sonra Türkiyəyə mühacirət edib.

1918-ci ildə Fətəli Xan Xoyski ilə birgə Şərqdə ilk respublikanın yaradılmasını rəsmi şəkildə elan edib. 1920-ci il aprelin 28-də bolşevik və erməni birləşmələrinin hücumları ölkəmiz yenidən işğal olundu və Cümhuriyyətimiz süquta uğradı Məhəmməd Əmin Rəsulzadə işğalından sonra həbs edilib. Az sonra Stalinin göstərişi ilə M. Ə. Rəsulzadə həbsdən azad edilərək Moskvaya aparıb. Stalinin təkidlərinə baxmayaraq, sovet hakimiyyəti ilə əməkdaşlıqdan imtina edərək SSRİ-ni tərk edib.

M.Ə.Rəsulzadə 1955-ci ilin martın 6-da Ankarada dünyasını dəyişib.

Azərbaycan xalqının irdəsi və bütöv Azərbaycan milli azadlıq hərəkatının öndəri Əbülfəz Elçibəyin rəhbərliyi ilə 1991-ci ildə yenidən Azərbaycan müstəqiliyini bərpa etdi.Uzun illərdən bəri Məhəmməd Əmin Rəsulzadənin Azərbaycan xalqına etdikləri xidmətləri gizlətməyə çalışan bəzi qara qüvvələrın təziqlərinə baxmayaraq nəhayət 22 noyabr 2013-cü ildə Azərbaycan prezidenti İlham Əliyev Məhəmməd Əmin Rəsulzadənin 130 illik yubileyinin keçirilməsi haqqında sərəncam verib.

BİR KƏRƏ YÜKSƏLƏN BAYRAQ BİR DAHA ENMƏZ!