Yəmənin Tais şəhərində prezident Salehi dəstəkləyən hərbçilərlə müxalifətçi dəstələr arasındakı döyüşlərdə ölənlərin sayı 20 nəfərə çatıb. Bu barədə «Əl-Ərəbiyyə» telekanalı məlumat yayıb. Hərbçilər artilleriya qurğularından geniş istifadə ediblər. Bu isə şəhərdə böyük dağıntılara səbəb olub. Artıq şəhər rəhbərliyi və baş nazir Məhəmməd Basindva hücumu dayandırmağı tələb ediblər. Lakin ölkənin müvəqqəti rəhbəri vitse-prezident Əbd Rəbbo Hadi onların tələblərinə məhəl qoymayıb.