Qazaxıstanda türkdilli xalqlar üçün ilk sosial şəbəkə yaradılıb.tengrinews.kz-ın verdiyi xəbərə görə, turkiler.com saytı hələlik beta-versiyada işləyir. Portalın rəsmi relizi bu ilin aprelinə nəzərdə tutulub.
Qeydiyyatdan keçənlər burada nəinki müxtəlif ölkələrdən olan insanlarla tanış ola, öz birliklərini (uluslarını) yarada, foto- və videoroliklər paylaşa biləcəklər, həmçinin türk xalqlarının tarixinə dair faydalı materiallar tapmaq imkanı əldə edəcəklər. Üstəlik, insanların əlaqəsi üçün on-line servis türklər haqda informasiya bazası ilə sinxronlaşdırılacaq.