Suriyaya aid vertolyotun sərhədə yaxınlaşması nəticəsində bölgəyə F-16 göndərilib

Türkiyə - Suriya sərhədində gərginlik yaşanıb. Suriyaya aid vertolyotun sərhədə yaxınlaşması nəticəsində bölgəyə F-16 göndərilib.
Türkiyə mətbuatının məlumatına görə, Suriyaya aid bir ədəd MI-17 vertolyotunun Türkiyə sərhədinə yaxınlaşmasına görə, bölgəyə iki F-16 yönləndirilib.

F-16-ların səmaya qalxmasından sonra sözügedən vertolyot geri dönərək bölgədən uzaqlaşıb.

Patrul vəzifəsini yerinə yetirən F-16-lar axşam saatlarında Diyarbakır hərbi bazasına geri qayıdıb.