Avropa Azərbaycan Cəmiyyətinin (AAC) təşkilatçılığı ilə Parisdə və Londonda Xocalını anma konserti keçiriləcək.


AAC-ın verdiyi xəbərə görə, fevralın 24-də Parisdə Müqəddəs Rox kilsəsində, fevralın 26-da isə Londonda Xocalı soyqırımı qurbanları yad ediləcək.



Konsertlərdə Səbinə Rakçeyeva, Kinan Azmeh, Nəzrin Rəşidova, “FeMusa” ansamblı və “Solstis” kvarteti musiqi nömrələri ilə çıxış edəcəklər.



Musiqiçilər Azərbaycan və Qərb klassikasının əsərlərini, həmçinin Pier Tiloyun Avropa Azərbaycan Cəmiyyətinin sifarişi ilə bəstələdiyi “Xocalı 613” əsərini ifa edəcəklər.