Güney Azərbaycanlı tədqiqatçı ustad Əbdülhüseyn Nahidi Azər vəfat edib.
Mərhum fevralın 11-də Təbrizdə vadiye rəhmətdə dəfn ediləcək və yas mərasimi isə Maralanda keçiriləcək.

Qeyd edək ki, Ustad Nahidi Azər 1938-ci ildə Qurugöl yaxınlığında Şibli gədiyi ətəklərində yerləşən Yusufabad kəndində doğulmuşdu. O ibtidai məktəbi kənddə, orta təhsilini isə Təbrizdə sona çatdırmışdı. Ustad uzun müddət Şəbistərin kəndlərində müəllimlik edib və eyni zamanda Təbriz Universitetində tarix və coğrafiya ixtisasında təhsilini davam etdirmişdir. Daha sonra o Təbriz məktəblərində tədrislə məşğul olmuşdur. Ustadın məşrutə inqilabı və başqa mövzularda çoxsaylı məqalə və kitabları çap edilib.

“ALLAH rəhmət eləsin”