Fevralın 19-da Livan paytaxtı Beyrutdakı İran Mədəniyyət Mərkəzinin yaxınlığında baş verən iki kamikadze hücumunda ən azı 6 nəfər həlak olub, 70-dən çox insan xəsarət alıb.

“Əl-Qaidə” terror təşkilatına bağlı “Abdulla Ezam” qrupu Twitter-də yaydığı məlumatda partlayışları üzərinə götürərək hücumlarda İran Mədəniyyət Mərkəzinin hədəfə alındığını bildirib.

Həmin qrup bundan əvvəl dəfələrlə “Hizbullah” təşkilatını və İran İslam Respublikasını Suriya prezidenti Bəşər Əsəd rejiminə dəstək verdikləri üçün təhdid etmişdi.

Ölən və ya yaralananlar arasında hər hansı İran vətəndaşının olub-olmadığı haqda məlumat yayılmayıb.