XX əsrin əvvəllərində türkdilli Qacarlar sülaləsi devriləndən, hakimiyyət farsdilli Pəhləvilər sülaləsinə keçəndən sonra (Rza şahın səltənətə gəlməsindən başlayaraq) tarixi Güney Azərbaycan torpağı bir neçə yerə parçalanaraq müxtəlif əyalətlər şəklinə gətirilib.

İranın Şimal-Qərb bölgəsində yerləşən Şərqi Azərbaycan əyaləti şimaldan Azərbaycan Respublikası (o cümlədən Naxçıvan Muxtar Respublikası), Ermənistan Respublikası, qərb və cənub-qərbdən Qərbi Azərbaycan əyaləti, şərqdən Ərdəbil əyaləti, Cənub-Şərqdən isə Zəncan əyaləti ilə əhatələnib.

Şərqi Azərbaycan əyalətinin mərkəzi Təbriz şəhəridir.

Əyalətin ümumi sahəsi 45491 kvadrat kilometr, əhalisi, 2011-ci ilin statistikasına görə, 3 milyon 734 min 620 nəfərdir.

Şərqi Azərbaycan 22 şəhərdən ibarətdir:Təbriz, Azərşəhr, Əhər, Üskü, Bostanabad, Binab, Təbriz, Culfa, Çaroymaq, Xudafərin, Sərab, Şəbüstər, Əcəbşir, Kəleybər, Marağa, Mərənd, Mələkan, Miyana, Vərzəqan, Ələmdar, Heris, Həştrud və Hurand.

İranın Şimal-Qərb bölgəsində yerləşən Qərbi Azərbaycan əyaləti şimaldan Azərbaycan (Naxçıvan Muxtar Respublikası) və Türkiyə, qərbdən Türkiyə və İraq, şərqdən Şərqi Azərbaycan əyaləti və Zəncan əyaləti, cənubdan isə Kürdüstan əyaləti ilə əhatələnib.

Qərbi Azərbaycan əyalətinin mərkəzi Urmiya şəhəridir. Əyalətin ümumi sahəsi 37 min 59 kvadrat kilometr, əhalisi, 2011-ci ilin statistikasına görə, 3 milyon 80 min 576 nəfərdir. Qərbi Azərbaycan 17 şəhərdən ibarətdir: Urmiya, Xoy, Maku, Salmas, Çaldıran, Üşnəviyyə, Bukan, Piranşəhr, Tikab, Çaypara, Şut, Poldəşt, Sərdəşt, Şahindej,
İranın şimal-qərb bölgəsində yerləşən Ərdəbil əyaləti şimaldan Azərbaycan Respublikası, qərbdən Şərqi Azərbaycan əyaləti, şərqdən Gilan əyaləti, cənubdan isə Zəncan əyaləti ilə əhatələnib.

Ərdəbil əyalətinin mərkəzi Ərdəbil şəhəridir.

Əyalətin ümumi sahəsi 17 min 953 kvadrat kilometr, əhalisi, 2011-ci ilin statistikasına görə, 1 milyon 248 min 488 nəfərdir.

Ərdəbil əyaləti 10 şəhərdən ibarətdir: Ərdəbil, Biləsuvar, Parsabad, Xalxal, Səreyin, Kövsər, Germi, Meşginşəhr (Xiyav), Nəmin, Nir.
İranın şimal-qərb bölgəsində yerləşən Zəncan əyaləti şimaldan Gilan və Ərdəbil əyalətləri, qərbdən Şərqi Azərbaycan və Qərbi Azərbaycan əyalətləri, cənubdan Həmədan və Kürdüstan əyalətləri, şərqdən isə Qəzvin əyaləti ilə əhatələnib.

Zəncan əyalətinin mərkəzi Zəncan (Zəngan) şəhəridir. Əyalətin ümumi sahəsi 22 min 164 kvadrat kilometr, əhalisi, 2011-ci ilin statistikasına görə, 1 milyon 15 min 734 nəfərdir.

Zəncan əyaləti 8 şəhərdən ibarətdir: Zəncan (Zəngan), Əbhər, Xurrəmdərə, Xudabəndə.

İranın şimal-qərb bölgəsində yerləşən Qəzvin əyaləti şimaldan Gilan və Mazandaran əyalətləri, qərbdən Zəncan (Zəngan) əyaləti, cənub-qərbdən Həmədan əyaləti, şərqdən Tehran əyaləti, cənubdan isə Mərkəzi əyalətlə əhatələnib.

Qəzvin əyalətinin mərkəzi Qəzvin şəhəridir. Əyalətin ümumi sahəsi 15 min 820 kvadrat kilometr, əhalisi, 2006-cı ilin statistikasına görə, 1 milyon 143 min 200 nəfərdir.

Qəzvin əyaləti 25 şəhərdən ibarətdir: Qəzvin, Abyek, Avac, İstisu (Abgərm), Ərdağ, İsfərurin, İqbaliyyə, Əlvənd, Buin Zəhra, Bidistan, Takistan, Xakəli, Xurrəmdəşt, Danisfəhan, Razmiyan, Rəzcird, Saqqızabad, Sirdan, Şal, Ziyaabad, Kuhin, Məhəmmədiyə, Mahmudabad Nümunə, Müəllim Kəlayə, Nərcə.